«Ուֆա»-ի դարպասապահ Դավիդ Յուրչենկոն «Р-Спорт»-ի հետ զրույցում նշել է, որ Հայաստանի հավաքականում հանդես գալու որոշում չի կայացրել, իսկ ՀՖՖ-ն իրեն չի շտապեցնում որոշում կայացնելու համար։
«Դեռ վերջնական որոշում չեմ կայացրել։ Հայաստանում դեռևս հետաքրքրվում են։ Նրանք ցանկանում են, որ ես խաղամ իրենց կազմում։ Բայց ես չեմ ցանկանում հայտնվել լեգեոներների սահմանափակման մեջ։
Կարծում եմ՝ Ռուսաստանում պետք է ռուս դարպասապահ խաղա, իսկ եթե դառնամ լեգեոներ, դժվար կլինի դարպասում տեղ զբաղեցնել։ Ոչ այո եմ ասել, ոչ՝ ոչ։
Դեռևս ժամանակ ունեմ որոշում կայացնելու համար։ Հայաստանում ըմբռնումով են մոտենում դիրքորոշմանս։ Ինձ ժամանակ են տալիս ու չեն շտապեցնում»։
Յուրչենկոն ճանաչվել է «Ուֆա»-ի 2014/15թթ մրցաշրջանի լավագույն ֆուտբոլիստ։