Fedpost.ru-ի փոխանցմամբ՝ պարզվել է, թե ինչն է պատասխանատու սուրճի հանդեպ մարդու սիրո համար: Հարվարդի համալսարանի գիտնականները եկել են այն եզրակացության, որ սուրճի հանդեպ մարդու սերն ու այդ ըմպելիքի օգտագործման ծավալը կապված է մարդու գենի հետ:
Հետազոտողները հստակեցրել են «սուրճի գենը», որը ղեկավարում է խթանող ըմպելիքի հանդեպ մարդու արձագանքը: Նրանք ասում են, որ թեև տարբեր մարդկանց մոտ այն շատ քիչ է տարբերվում, սակայն գենն ունակ է ազդել առողջության վրա:
Գիտնականները նշել են, որ հղի կանանց խորհուրդ է տրվում օգտագործել միայն չափավոր քանակի կոֆեին, քանի որ դրա մեծ քանակությունը բարձրացնում է վիժելու և վաղաժամ ծննդաբերության ռիսկը: