ԱՄՆ-ն իր եվրոպացի գործընկերների հետ մտադիր է ջանքեր գործադրել՝ թույլ չտալու համար Հունաստանի դեֆոլտը և երկիրը պահելու եվրոգոտում: Այս մասին հայտնել է Սպիտակ տան մամլո ծառայությունը՝ ԱՄՆ նախագահ Բարաք Օբամայի, Ֆրանսիայի նախագահ Ֆրանսուա Օլանդի և Մեծ Բրիտանիայի վարչապետ Դևիդ Քեմերոնի հեռախոսազրույցի արդյունքներով՝ գրում է TASS-ը:
Օբաման և Օլանդը «համաձայնել են աշխատանքները վերսկսելու անհրաժեշտության հարցում՝ միջոցառումների փաթեթի համաձայնությունը ձեռք բերելու նպատակով, որոնք նախատեսում են Հունաստանի տնտեսական աճին և եվրոգոտու ներսում պարտքերի սպասարկման ապահովմանը նպաստող բարեփոխումներ և ֆինանսավորում»:
Նշվում է նաև, որ ԱՄՆ-ի և Ֆրանսիայի «տնտեսական թիմերը պահպանում են սերտ շփումները և ուշադիր հետևում են Հունաստանի իրադարձություններին, ինչպես նաև ֆինանսական շուկաներում առավել լայն իրավիճակներին:»
