Ճապոնական ճեպընթաց գնացքի վագոնում հրկիզումից մահացածը, դատելով ամեն ինչից, անձամբ է վառելիք լցրել վրան և ինքնասպանության նպատակով հրկիզվել։ Այս մասին ոստիկանությանը հայտնել են դեպքի ականատեսները։ Տուժել է առնվազն 10 ուղևոր։
Գնացքն ուղևորվում էր Տոկիոյից Օսակա՝ հայտնում է Kyodo գործակալությունը։
Նման միջադեպերը ճապոնական երկաթուղիների պատմության մեջ բացառիկ երևույթ են։ Անցած դարի 60-ականներից շահագործման ողջ ընթացքում ոչ մի խոշոր միջադեպ չի գրանցվել։