Երեքշաբթի գիշերը Յուպիտերը և Վեներան այն աստիճան կմոտենան իրար, որ Երկրից դիտելու ժամանակ նրանք գրեթե կպած կլինեն, որը նրանց կնսեմացնի առասպելական «Բեթղեհեմյան աստղին»: Այդ «տիեզերական պարում» նրանք կանցկացնեն մեկ շաբաթից քիչ ավել ժամանակ, հայտնում է Sky & Telescope ամսագիրը:
Նմանատիպ երևույթները, որոնք աստղագետները անվանում են «մոլորակների միացում», բավականին հաճախ են տեղի ունենում, սակայն շատ հազվադեպ է լինում, որ Վեներան և Յուպիտերը երկնակամարում այդքան շատ մոտենան: Աստղագետների հաշվարկներով, նրանց կարող է ընկերակցել Ռեգուլ պայծառ աստղը, որը չնայած թվացյալ մոտ գտնվելուն, իրականում գտնվում է Երկրից 80 լուսային տարի հեռավորության վրա:
Վեներայի և Յուպիտերի միջև ոչ մեծ հեռավորությունն աստղագետներին հնարավորություն կտա ստանալ այդ մոլորակների «ընտանեկան լուսանկարը», նույնիսկ սիրողական աստղադիտակով: Այդ լուսանկարներում երկու մոլորակները կերևան նույն չափի, չնայած՝ Յուպիտերը մի քանի անգամ մեծ է Վեներայից:
Երկու մոլորակների և աստղի հանդիպումը, ինչպես հայտնում են Sky & Telescope-ի աշխատակիցները, հիշեցնում է աստվածաշնչյան ավանդապատումների «Բեթղեհեմյան աստղին», որը արևելյան իմաստուններին ցույց տվեց նորածին Հիսուսի օրորոցի մոտ գնալու ճանապարհը:
