Այս մասին հունիսի 29-ին գրել է FOX News լրատվական կայքը:
Լուիզիանա նահանգի բնակիչ Չակ Նեցհամերը You Tube-ում հայտնաբերել էր մի տեսահոլովակ, որում Slidell հրուշակարանը, որի հետ համագործակցում է առևտրային ցանցը, հրաժարվում է Կոնֆեդերացիայի դրոշով և «Heritage Not Hate» մակագրությամբ տորթի պատվերն ընդունել, սակայն, երբ Չակը խնդրեց պատրաստել ԴԱԻՇ-ի դրոշով տորթ, նրանք չմերժեցին:
Նեցհամերը մեղադրեց այդ կառույցին հարավային նահանգի բնակիչների հանդեպ թշնամական վերաբերմունքի համար: Տեսագրության մեջ նա ասում է. «Այն ժամանակ, երբ ԴԱԻՇ-ի զինյալները քրիստոնյաների գլուխներն են կտրում, փոքրիկ աղջիկներին ստրկության են վաճառում, և սպառնում են Ամերիկային ահաբեկչությամբ, Walmart-ի ցանցը հրաժարվում է ձեռք բերել «Լի» գեներալի խաղալիք մեքենան»:
Walmart-ի ղեկավարությունը պատճառաբանել է, որ պատվերն ընդունող աշխատակիցը չի իմացել, թե ինչ տեսք ունի ԴԱԻՇ-ի դրոշը: Առևտրային ցանցի ներկայացուցիչ Ռենդի Հարգրոուվը The Daily Galler հրատարակության միջոցով հրապարակել է ներողություն հայցող բովանդակության նամակ, որտեղ նա խոստովանում է, որ խանութը սխալ է գործել:
