Այս շաբաթ Լեհաստանի մայրաքաղաքում տեղի ունեցավ զոմբիների շքերթ, ինչին տեղի բնակիչները սպասում են ամբողջ տարին: Ցանկացողները կարող էին ոչ միայն նայել սարսափելի կերպարներին, այլ լուսանկարվել նրանց հետ, հաղորդում է TASS պարբերականը:
Շքերթը տեղի ունեցավ քաղաքային իշխանությունների համաձայնությամբ և ուղեկցվեց կարգը պահպանողների կողմից:
Զոմբիների առաջին շքերթին մասնակցել են 200 մարդ, իսկ արդեն 2015 թվականին նրանց թիվը հասավ 15 հազարի: Որոշ կերպարներ քայլում էին «կենդանի դիակի» հագուստով, մյուսները ամբողջովին արյան մեջ էին կամ բազմաթիվ կտրվածքներով և սպիներով:
Շատերը ջանում էին հեռու մնալ երթից՝ չկասկածելով, որ հենց վախը և զգացմունքների հորդումը օրգանիզմի վրա առողջարար ազդեցություն է ունենում:
Հետաքրքիր է այն փաստը, որ հոգեբանները դրական են վերաբերվում «կեղծ » վախին: Նյարդային համակարգը այդ դեպքում ամրանում է, և հետևաբար այդ շքերթը ոչ միայն ուրախացնում է և տրամադրությունը բարձրացնում, այլև բարերար է ազդում մարդու առողջության վրա: