Armchess-ը հայտնում է, որ հունիսի 27-ին մահացել է Հայաստանի շախմատի ֆեդերացիայի գլխավոր քարտուղար, շախմատային հայտնի մեկնաբան ու լրագրող, «Շախմատային Հայաստան» հանդեսի գլխավոր խմբագիր Գագիկ Հովհաննիսյանը:
Գագիկ Հովհաննիսյանը ծնվել է 1947 թ. ապրիլի 21-ին, Երևանում:
1968-ին ավարտել է Երևանի պետական համալսարանի բանասիրական ֆակուլտետի ժուռնալիստիկայի բաժինը, 1971-ին` ԵՊՀ-ի ասպիրանտուրան` «ժուռնալիստիկա» մասնագիտությամբ:
«Շախմատային Հայաստան» հանդեսի հիմնադիր և գլխավոր խմբագիր (1972 թ.-ից)
Հայաստանի հանրային հեռուստատեսության շախմատային մեկնաբան (1972 թ.-ից)
Հայաստանի շախմատային ֆեդերացիայի գխավոր քարտուղար (1970 թ.-ից)
Շախմատի համաշխարհային ֆեդերացիայի (ՖԻԴԵ) եվրոպական 5-րդ գոտու նախագահ (1994-2010)
ՖԻԴԵ-ի լրագրության եւ վիճակագրության հանձնաժողովի (ՉԻՊՍ) նախագահ (1995-2002 թթ., 2007-2009 թթ.)
ՖԻԴԵ-ի զանգվածային լրատվամիջոցների ծրագրի ղեկավար (2009 թ-ից):
Աշխարհի սիրող շախմատիստների 6-րդ չեմպիոն (1998-99 թթ.):
ՖԻԴԵ-ի վարպետ (1999 թ.-ից)
Շախմատի միջազգային կազմակերպիչ (1996 թ.-ից)
Շախմատային «Օսկար»-ի դափնեկիր (1996 թ.)
ՖԻԴԵ-ի «Ոսկե գրքի» դափնեկիր (1999 թ.)
ՖԻԴԵ-ի «Ոսկե նշան»-ի դափնեկիր (2007 թ.)
Հովհաննիսյանը դասավանդում էր Երևանի պետական համալսարանի ժուռնալիստիկայի ֆակուլտետում (1971 թ.-ից), դոցենտ
Հայաստանի Հանրապետության վաստակավոր լրագրող (2012 թ.)
Պարգևատրվել է Հայաստանի ժուռնալիստների միության «Հավատարիմ մասնագիտությանը» ոսկե մեդալով (2012 թ.), ԵՊՀ-ի ոսկե մեդալով (2010 թ.), Գրիբոյեդովի մեդալով (2010 թ.), Երևանի մամուլի ակումբի «Հավատարմություն թեմային» մրցանակով (2005 թ.):
Հայերեն, անգլերեն, ռուսերեն լեզուներով հրատարակված շախմատային 51 գրքերի հեղինակ:
