Երեք օրում՝ հունիսի 15-18-ը, հունական բանկերի հաշիվներից հանվել է 2 մլրդ եվրո գումար։ Այս մասին գրում է Reuters գործակալությունը։
Հունաստանի կապիտալի արտահոսքն արագանում է ԵՄ երկրների ֆինանսների նախարարների անհաջող բանակցությունների մասին հաղորդագրությունների ֆոնին։
Հունիսի 21-ին նշանակվել է ԵՄ արտահերթ գագաթնաժողով, որի ժամանակ կքննարկվեն Հունաստանի պարտքային հարցերը։ ԵԿԲ կառավարման անդամ Բենուա Կերեն գործակալությանը հայտնել է, որ հունական բանկերը կարող են փակվել հունիսի 21-ին՝ կապված ԵՄ ֆինանսների նախարարների արտակարգ հանդիպման անցկացման հետ։
Վերջին 6 տարիներին հունական բանկերում ավանդային միջոցների ծավալը գրեթե կրկնակի կրճատվել է՝ 225 մլրդ եվրոյից հասնելով 125 մլրդ եվրոյի։