ԱՄՆ պատմության մեջ առաջին անգամ 10 դոլար անվանական արժեքով թղթադրամի վրա կհայտնվի կնոջ կիսադեմ՝ փոխանցում է Reuters գործակալությունը։
Ինչպես հայտարարել է ԱՄՆ ֆինանսների նախարար Ջեյքոբ Լյուն՝ նոր թղթադրամը կհայտնվի 2020 թվականին, և պատկերը կներկայացնի ամերիկյան ժողովրդավարության արժեքները։ Պաշտոնյան, սակայն, չի հստակեցրել, թե ում կիսադեմը կգործածվի թղթադրամի վրա։
Նշվում է, որ նոր թղթադրամի մասին որոշումը կընդունվի հասարակական կարծիքի հարցման հիման վրա։ Արդյունքներով առաջատար են Էնդրյու Ջեքսոնը, Էլեոնորա Ռուզվելտը և Ռոզա Փարքսը։
Կնոջ դեմքով թղթադրամի հայտնվելը նվիրված կլինի կանանց ձայնին իրավունք տված ԱՄՆ սահմանադրական 19-րդ ուղղման 100-ամյակին։
Այժմ 10 դոլարանոց թղթադրամի վրա պատկերված Ալեքսանդր Համիլթոնի պատկերը նույնպես կպահպանվի՝ նշել է ֆինանսների նախարարը։