2014 թվականին ՕՊԵԿ երկրներից նավթի արտահանումը տարեկան արտահայտմամբ նվազել է 10.7 տոկոսով։ ՕՊԵԿ երկրներից նավթի արտահանումից ստացված ընդհանուր եկամուտը վերջին 4 տարում առաջին անգամ չի հասել 1 տրիլիոն դոլարի։ Ցուցանիշը կազմել է 993.3 մլրդ դոլար։ Այս մասին ասվում է կազմակերպության հաշվետվությունում։
2013 թվականին նավթի արտահանումից ստացված եկամուտը կազմել է 1.112 տրիլիոն դոլար։ ՕՊԵԿ-ի մասնաբաժինը համաշխարհային շուկայում կրճատվել է 0.9 տոկոսով և 2014 թվականին կազմել 32.6 տոկոս։
Համաձայն հաշվետվության՝ անցած տարի ՕՊԵԿ երկրներն ամեն օր միջինում արդյունահանել են 30.07 մլն բարել, ինչը 160 հազար բարելով քիչ է 2013-ի ցուցանիշից։ 2015 թվականին ՕՊԵԿ երկրները նավթի արդյունահանումն ավելացրել են՝ հասցնելով օրական 31 մլն բարելի։
Անցած տարի նավթարդյունահանման առավելագույն կրճատումը գրանցվել է Լիբիայում, առավելագույն աճը՝ Իրաքում։
