ՕՊԵԿ-ը պահպանում է 2015 թվականին նավթի պահանջարկի կանխատեսումն օրական 92.5 մլն բարել մակարդակի վրա։ Այս մասին ասվում է կարտելի ամենամսյա զեկույցում՝ փոխանցում է Vesti-ն։
Կարտելը, սակայն, սպասում է երկրորդ կիսամյակում սպառման տեմպերի աճ։
ՕՊԵԿ-ի երկրների նավթի պահանաջարկը կանխատեսվում է օրական 29.3 մլն բարել մակարդակի վրա՝ ընդդեմ մեկ տարի առաջվա 29 մլն բարել ցուցանիշի։
Կազմակերպության մեջ չմտնող երկրների նավթի մատակարարումները 2015-ին կկազմեն 57.16 մլն բարել, ինչն անցած տարվա մակարդակից բարձր է 0.68 մլն բարելով։
Հիշեցնենք, որ կարտելը Վիեննայում օրերս կայացած հերթական հանդիպման ժամանակ պահպանել է նավթի արդունահանման քվոտաները օրական 30 մլն բարել ծավալի վրա։
