ԱՄՆ-ը 2014 թվականի թերթաքարային հեղափոխության շնորհիվ դարձել է աշխարհում նավթի խոշորագույն արտադրող՝ արդյունահանման ծավալով առաջ անցնելով Սաուդյան Արաբիայից, ինչպես նաև Ռուսաստանից (նավթի ու գազի արդյունահանումը միասին վերցրած)։ Այս մասին ասվում է BP-ի պատրաստած՝ համաշխարային էներգետիկայի ամենամյա վիճակագրական զեկույցում։
ՕՊԵԿ-ի երկրներում արդյունահանումը պահպանվել է կայուն մակարդակի վրա, սակայն կարտելի մասնաբաժինը համաշխարային արդյունաբերությունում նվազել է մինչև 41 տոկոսի, ինչը 2003-ից ի վեր ամենացածր ցուցանիշն է։
ՕՊԵԿ-ի սահմաններից դուրս արդյունաբերությունն ավելացել է օրական 2.1 մլն բարելով, ինչը առավելագույն ցուցանիշ է BP-ի մոնիտորինգի ամբողջ ընթացքում։
Աշխարհում նավթի արդունահանման ամենամեծ աճն ապահովել է ԱՄՆ-ը (+1,6 մլն բարել օրական)։ 2014-ին արդյունահանման ռեկորդային մակարդակների են հասել նաև Կանադան (+310 հազար բարել) և Բրազիլիան (+230 հազար բարել)։
ԱՄՆ-ը կրճատել է նավթի ներկրումը՝ Չինաստանին տալով այդ հումքի մեծագույն նետո-ներկրողի կարգավիճակը։