Իտալիայի նախկին վարչապետ, աջակենտրոն «Առաջ, Իտալիա» կուսակցության առաջնորդ Սիլվիո Բեռլուսկոնին սխալմամբ ելույթ է ունեցել քաղաքական հակառակորդի օգտին` կոչ անելով քաղաքապետի ընտրություններում քվեարկել նրան կողմ: Միջադեպը տեղի է ունեցել Սեգարտե քաղաքում, գրում է TASS-ը:
Ձախակենտրոն ցուցակից քաղաքապետի թեկնածու Պաոլո Միկելիի խոսքերով` Բեռլուսկոնիի ավտոշարասյունը մոտեցել է այն հրապարակին, որտեղ հաջակցություն իրեն հանրահավաք էր տեղի ունենում: Նախկին վարչապետը դուրս է եկել ավտոմեքենայից և սկսել խոսել որոշ երիտասարդների հետ, ինչպես նաև հետաքրքվել, թե ինչ է թեկնածուի անունը: Լսելով Պաոլո Միկելե անունը` նա կոչ է արել «կիրակի օրը մեկ ժամ ժամանակ գտնել և քվեարկել Պաոլոյի օգտին»:
Ըստ ականետսների, քաղաքական գործչի շրջապատը գիտակցել է սխալը, քանի որ «Առաջ, Իտալիա» կուսակցությունն այս ընտրություններում աջակցում է կին թեկնածուին` Տեկլա Ֆրասկինիին: