Բուհերի ուսանողները դեռևս այնքան հասուն չեն, որպեսզի վերահսկեն իրենց կենսակերպը: Ուստի, ամուսնանալով մինչև բուհն ավարտելը, նրանք ճարպակալման լուրջ վտանգի առջև են կանգնած: Այս մասին գրում է Rosbalt-ը` վկայակոչելով ամերիկացի գիտնականներին:
Գիտափորձի արդյունքում պարզ է դարձել, որ հանուն ընտանիք ստեղծելու համալսարանը լքած մարդիկ 65 տոկոսով ավելի հաճախ են ավելորդ քաշ ձեռք բերել, քան ավելի ուշ ամուսնացածները: Դրա պատճառն այն է, որ հարսանիքից հետո մարդիկ ավելի շատ ուտում են և ավելի քիչ զբաղվում սպորտով: Իսկ ուսման ընթացքում մարդը սովորում է լուծել իր կենսական խնդիրները և վերահսկում ինքն իրեն, ինչպես նաև իր քաշը: