Իսպանիայի հավաքականի գլխավոր մարզիչ Վիսենտե դել Բոսկեն իր կարծիքն է հայտնել Ռաֆայել Բենիտեսի` Մադրիդի «Ռեալ»-ի գլխավոր մարզչի պաշտոնում հնարավոր նշանակման վերաբերյալ:
«Միշտ հարգել եմ Կարլո Անչելոտիին: Նա հիանալի մասնագետ է, ով հաջողությունների է հասել տարբեր թիմերի գլխավորությամբ: Նա, իսկապես, հսկայական աշխատանք է կատարել «Ռեալ»-ում` ապացուցելով, որ պրոֆեսիոնալ է:
Ինչ վերաբերում է Ռաֆայել Բենիտեսին, ապա «արքայական ակումբ»-ն, իսկապես, հիանալի ընտրություն կկատարի: Նա փորձառու և խելացի մասնագետ է, ում համար «Սանտիագո Բերնաբեու» տեղափոխությունը մարտահրավեր է: Կարծում եմ` նա ջանք չի խնայի` թիմն էլ ավելի լավը դարձնելու համար` հասկանալով, թե ինչ ռիսկի է գնում: Ամեն մարզիչ չէ, որ կարողանում է լավ դրսևորել իրեն Մադրիդում: Բայց Ռաֆայելը, կարծում եմ, օժտված է բոլոր որակներով` դրան հասնելու համար: Բենիտեսը կարող է հաճելիորեն զարմացնել բոլորիս»,- Marca-ն մեջբերում է Դել Բոսկեի խոսքերը:
