Ճապոնացի հետազոտողներ Հիրոհարու Կատոն և Տացույա Հարադան Տոկիոյի համալսարանից ալգորիթմ են ստեղծել, որն ունակ է պատկերը վերստեղծել դրա մասնակի նկարագրությամբ:
Հեղինակները նշում են, որ դա մեծ առաջընթաց է «համակարգչային երևակայության» բնագավառում, դրա միջոցով ծրագրվում է պատկերներ ստեղծել դրանց միայն տեքստային նկարագրության հիման վրա: Այս մասին հայտնում է N+1 պորտալը՝ վկայակոչելով Կոռնելի համալսարանի գրադարանի կայքում հրապարակված՝ հետազոտության նկարագրությունը:
Հաղորդվում է, որ գիտնականների ստեղծած ծրագիրը հիմնված է «վիզուալ բառերի» խմբի տեսքով պատկերի ներկայացման վրա: Այդ մեթոդը սկզբում ստեղծվել է տեքստերի վերլուծության համար: Այդ դեպքում օգտագործվում են նկարներ, որոնցից յուրաքանչյուրից հեղինակները ստեղծել են «վիզուալ բառերի» իրենց առանձին խումբը, հետո փորձել են դրանից վերականգնել օրիգինալը, այսինքն՝ բոլոր մասերը ճիշտ դասավորել:
Հեղինակները գնահատել են ստացված «վերակառուցումների» համընկնման աստիճանը, և պարզվել է, որ նման ծրագրերի մեջ նոր ալգորիթմը լավագույն արդյունք է տվել բնօրինակի հետ համընկնման աստիճանով: