Friday, 29 03 2024
Եթե դելիմիտացիա, ապա հավասարության սկզբունքով, ոչ թե՝ «ատրճանակի սպառնալիքի տակ»
15:30
Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին
Վարագույրից այն կողմ կան շահեր, որոնք թույլ չեն տալիս Մարտի 1-ի բացահայտումը
15:10
Ճապոնիայում կենսաբանական հավելումների օգտագործման հետևանքով զոհերի թիվը հասել է 5-ի
Այո՛, օրենք են խախտել, երկրով մեկ օրենքի խախտումներ են հենց վարչապետի մասնակցությամբ
Խորհրդարանական լսումներ կհրավիրվեն Եվրաինտեգրման նոր հեռանկարները և մարտահրավերները թեմայով
Թող դատարանը որոշի ահաբեկչությո՞ւն էր, թե ապստամբություն.Պապյան
15:01
Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի
Ինչի՞ է նախապատրաստվում Ալիեւը
«Կրոկուս սիթի հոլ»-ում ահաբեկչության վիրավորների թիվը հասել է 382-ի, ևս 1 մարդ զոհվել է
«Մանրամասներ»․ Դավիթ Ստեփանյանի հետ
Պաղեստինի նոր կառավարության ԱԳ նախարարը ծագումով հայ է և կին
Պապոյանը Կորեայի պաշտոնյային ներկայացրել է Հայաստանի ներդրումային հնարավորությունները
Հայտնի են ձվի շուկայում միջանկյալ ստուգումների արդյունքները
14:00
Live. «Առաջին լրատվական» տեղեկատվական-վերլուծական կենտրոն
Լուրերի օրվա թողարկում 14։00
13:45
«Մենք ապրում ենք նախապատերազմական փուլում». Լեհաստանի վարչապետ
ՌԴ-ն պատրաստ է նպաստել հայ-ադրբեջանական հարաբերությունների կարգավորմանը․ Սերգեյ Լավրով
Ուղիղ. ԱԺԲ խորհրդի անդամների ասուլիսը
Իսրայելը շարունակում է նախապատրաստվել Ռաֆահ քաղաքում գործողությանը. Նեթանյահու
13:15
Ուկրաինան հայտնել է էներգետիկ օբյեկտներին ուղղված ռուսական զանգվածային հարվածների մասին
Իսկ եթե Ալիեւը լիբերալ աշխարհի դաշնակից դառնա՞
Ոստիկանության Նոր Նորքի բաժին ներխուժելու դեպքով քրեական վարույթի շրջանակներում խուզարկություններ են անցկացվում շուրջ 4 տասնյակ վայրերում
Առցանց անմաքս առևտրի շեմը նվազում է
Հորը բռնության ենթարկելու, հարևանի կնոջը սպանելու համար մեղադրվողը տեղափոխվել է հոգեկան առողջության կենտրոն
«National Geographic»-ը «գինու» շրջագայություն է իրականացրել Հայաստանում
Կաթնամթերքի արտադրամասի արտադրական գործունեության կասեցումը վերացվել է
«Երևանի ավտոբուս» ՓԲԸ տնօրենն աշխատանքից ազատման դիմում է ներկայացրել
ՍԱՏՄ-ն ներկայացրել է ձվի արտադրության և իրացման շուկայի վերահսկողության միջանկյալ արդյունքները
ՌԴ իշխանությունները հայտնել են Բելգորոդի երկնքում 15 թիրախ ոչնչացնելու մասին

«Թող, պտի սպանեմ սրան, սետկա պտի սարքեմ…». հարևանը 20 տարվա 53 հազար դրամ պարտքի համար սպանության փորձ է արել

Էրեբունի և Նուբարաշեն վարչական շրջանների ընդհանուր իրավասության դատարանում Արտուշ Գաբրիելյանի նախագահությամբ ավարտվել է Անդրանիկ Գևորգյանի գործի դատական քննությունը:

53-ամյա Անդրանիկ Գևորգյանը նախկինում դատված է եղել, վերջին անգամ 2011 թվականին 4 տարի ազատազրկման է դատապարտվել տուժողի՝ իր հարազատ որդու առողջությանը ծանր վնաս հասցնելու համար:

Իսկ ներկա գործով Անդրանիկ Գևորգյանին մեղադրանք էր առաջադրված հարևանի նկատմամբ սպանության փորձ կատարելու համար՝ ՀՀ քրեական օրենսգրքի 34-104 հոդվածի 1-ին մասով:

Անդրանիկը կալանքի տակ է 2014 թվականի հոկտեմբերի 15-ից:

Իր որդուն, ապա հարևանին վնաս պատճառելու վերաբերյալ Անդրանիկը դատարանում ասաց. «Ինքնասիրության հարց է եղել… Բաներ կան, որ չեն ներվում…»:

Սակայն Անդրանիկը պնդեց, թե հարևանին սպանելու դիտավորություն չի ունեցել. «Եթե սպանելու միտք ունենայի, նրա վիզը վաղուց էի կտրել…»:

Այդ «վաղուցը» սկսվում է 1994 թվականից: Ըստ մեղադրանքի՝ այդ հեռավոր անցյալում Անդրանիկը կոյուղի անցկացնելու համար նախատեսված խողովակ է վաճառել իր հարևան Արմեն Ա.-ին: Հետագայում պարբերաբար պահանջել է խողովակների գումարը, բայց հարևանն էլ մշտապես ասել է, թե ինքը խողովակների գումարը  արդեն վճարել է… քսան տարի առաջ:

20 երկարուձիգ տարի Անդրանիկ Գևորգյանը հարևանի պարտքը չի մոռացել, անվերջ պահանջել է, այդ հողի վրա նրա ու հարևանի հարաբերությունները լարվել են:

2014 թվականի հոկտեմբերի սկզբին Անդրանիկը «քսանամյա» խողովակների գումարը պահանջելու համար գնացել է հարևան Արմենի տուն: Մուտքի մոտ հանդիպել է Արմենի մորն ու քրոջը: Նրանց հետ է վիճել ու հեռացել:

Հոկտեմբերի 14-ին, առավոտյան ժամը 9-ն անց 30-ի սահմաններում Արմեն Ա.-ն մեկ այլ հարևանի՝ Խաչատուրի հողակտորում, նրա հետ միասին ցանկապատի նորոգման աշխատանքներ է կատարել:

Անդրանիկ Գևորգյանը տեսել է Արմենին, դանակ է վերցրել ու մոտեցել է:

Հին պարտքի պահանջով նա վիճել է Արմեն Ա.-ի հետ, վիճաբանության ընթացքում, ըստ դատական ակտի, սպանելու դիտավորությամբ դանակով երեք հարված է հասցրել Արմեն Ա.-ի կենսական կարևոր օրգաններին, նրա առողջությանը պատճառել է կյանքին վտանգ սպառնացող ծանր վնաս: Սակայն սպանելու դիտավորությունը չի կարողացել իրագործել իր կամքից անկախ հանգամանքների բերումով՝ հարևան Խաչատուրը միջամտել է, Անդրանիկի թևից բռնել ու մի կողմ է հրել՝ կանխելով նրա հետագա հարվածները՝ ուղղված Արմեն Ա.-ին:

Միջադեպի ընթացքում Արմեն Ա.-ն ինքնապաշտպանական նկատառումներով քաշքշել է Անդրանիկ Գևորգյանին, քերծվածքներ ու արյունազեղումներ է պատճառել , որոնք առողջության թեթև վնասի հատկանիշներ չեն պարունակում: Արմեն Ա.-ի գործողությունները գնահատվել են իրավաչափ, քանի որ ուղղված են եղել իր կյանքի պաշտպանությանը:

Դատարանում Անդրանիկ Գևորգյանն իրեն մեղավոր չի ճանաչել  հարևանի նկատմամբ սպանության փորձ կատարելու համար:

Նա հայտնել է, թե 1990-ական թվականներին ինքը չուգունե խողովակներ էր ձեռք բերել կոյուղի անցկացնելու համար: Մի քանի խողովակներ ավելացել էին: Հարևան Արմենը խնդրել է, որ այդ ավելացած խողովակներն իրեն վաճառի: Ինքն էլ վաճառել է, բայց խողովակների արժեքը՝ 53 հազար դրամը, Արմենն այդպես էլ իրեն չի տվել, անընդհատ խաբել է:

2014 թվականի հոկտեմբերի սկզբին ինքը փողոցում հանդիպել է Արմենին, հարցրել է, թե խողովակների գումարը ե՞րբ է տալու: Արմենը չի պատասխանել, մտել է տուն, հետո տանից գոռացել է, թե ինքն այդ գումարը չի վճարելու: Այդ պահին տանից դուրս են եկել Արմենի մայրն ու քույրը, պահանջել են, որ ինքը հեռանա:

Հոկտեմբերի 14-ի առավոտյան ինքը տանից վերցրել է մի բաժակ սուրճ, մի հատ դեղձ, դանակ, որ դեղձը մաքրի, ու գնացել է բակ: Նկատել է, որ Արմենը հարևանի հողակտորում բահով գործ է անում: Ինքը մոտեցել է նրան ու հարցրել է, թե նախորդ անգամ ինչո՞ւ էր մորն ու քրոջն ուղարկել իր վրա:

Արմենն ասել է, թե գումար չունի տալու: Նա ձեռքի բահը բարձրացրել ու դեպի իրեն է եկել, որ հարվածի:

Ինքը բռնել է նրա ձեռքը: Արմենը հրել է իրեն, ինքն ընկել է գետնին, Արմենն էլ՝ իր վրա:

Արմենը բռնել է իր պարանոցից, փորձել է խեղդել, ինքն իր ձեռքի դանակով երկու-երեք անգամ հարվածել է Արմենին, որ նա իրեն բաց թողնի: Այդ պահին մոտեցել է Խաչատուրը, Արմենին հեռացրել է իր վրայից: Ինքը ոտքի է կանգնել ու հեռացել:

Դանակը ձեռքին քայլել է Դիմիտրովի փողոցի կողմը, դանակը նետել է շենքերից մեկի նկուղը: Այդ ժամանակ մոտեցել են ոստիկանները, իրեն բերման են ենթարկել ոստիկանություն:

Նույն օրն ինքը իրավապահների հետ գնացել է Դիմիտրովի փողոց, մատնացույց է արել դանակը, որը փաթեթավորվել ու վերցվել է:

Տուժողը հայտնել է, որ Անդրանիկը ամեն հանդիպման ժամանակ պահանջում էր վճարել այն գումարը, որն ինքը վճարել էր դեռ 1994 թվականին:

Դեպքի օրը Անդրանիկը մոտեցել է, նույն գումարի վերաբերյալ դարձյալ վիճել է իր հետ ու մոտը եղած դանակով մի քանի հարված է հասցրել իրեն: Հարվածների ընթացքում իրենք գրկախառնվել են: Ինքը փորձել է իրենից «հեռվացնել» Անդրանիկին, բայց չի կարողացել:

Այդ ժամանակ միջամտել է Խաչատուրը, նրան հաջողվել է Անդրանիկին մի կողմ հրել: Անդրանիկը չի հանդարտվել: Նա փորձել է նորից հարձակվել իր վրա, ասել է. «Թող, պտի սպանեմ սրան, սետկա պտի սարքեմ, էղածդ՝ յոթ գրամանոց գյուլլայա»:

Բայց Խաչատուրը կարողացել է Անդրանիկին հեռացնել, կանխել նրա հետագա հարձակումները, նա չի թողել, որ Անդրանիկը մոտենա ու նոր հարվածներ հասցնի:

Ինքը նկատել է, որ իր որովայնից արյուն է հոսում: Ասել է Խաչատուրին, նա իրեն տեղափոխել է հիվանդանոց:

Վկա Խաչատուրը տվել է տուժողի ցուցմունքին համահունչ ցուցմունք: Հայտնել է, որ դեպքի օրը Արմենն իրեն օգնում էր՝ իր հողակտորի ցանկապատը նորոգելու հարցով:

Ինքը մետաղե ամրաններ բերելու համար մտել է ավտոտնակ: Երբ վերադարձել է, տեսել է, որ Անդրանիկը մոտեցել է Արմենին, երկու անգամ խփել է, ու նրանք գրկախառնվել են: Անդրանիկն այդ պահին մեջքով էր կանգնած, իրեն սկզբում թվացել է, թե Անդրանիկը ձեռքով է խփում Արմենին:

Ինքը վազելով մոտեցել է, Անդրանիկի ձեռքից բռնել, մի կերպ բաժանել է նրանց:

Անդրանիկն ընկել է գետնին, վեր է կացել, առաջ է եկել, որ նորից հարվածի Արմենին: Միաժամանակ նա սպառնացել է՝ ասելով. «Թող, սպանելու եմ սրան, վիզը ոլորելու եմ, սետկա եմ սարքելու»: Ինքը բռնել է նրան, չի թողել, որ հարձակվի:

Բաժանելու ժամանակ է նկատել, որ Անդրանիկի ձեռքին դանակ կա, որը նա թաքցրել է բաճկոնի տակ ու փախել է:

Արմենն ասել է, որ որովայնից արյուն է հոսում, ինքը հասկացել է, որ նա դանակով վնասվածքներ է ստացել, ու նրան շտապ տեղափոխել է հիվանդանոց:

Վկան ասել է, թե իր կարծիքով՝ եթե ինքն այնտեղ չլիներ, Անդրանիկը կսպաներ Արմենին:

Ինքն Արմենի ձեռքին բահ չի տեսել: Արմենն ու Անդրանիկը գրկախառնված կանգնած են եղել, նրանք գրկախառնված գետնին չեն ընկել: Արմենը չի բռնել Անդրանիկի պարանոցից, չի փորձել նրան խեղդել: Ինքն է մի կերպ Անդրանիկին «անջատել» Արմենից. ձեռքը դրել է Արմենի կրծքավանդակին ու Անդրանիկի ուսից քաշելով՝ պոկել է Արմենից: Այդ ժամանակ է Անդրանիկն ընկել գետնին: Վեր է կացել ու նորից փորձել է հարձակվել Արմենի վրա: Արմենը վախեցած ու գույնը գցած էր…

Արմենի հարազատները ևս պնդել են, որ քսան տարի առաջ են վճարել Անդրանիկին կոյուղու խողովակների գումարը…

Ընդհանուր իրավասության դատարանը Անդրանիկ Գևորգյանին մեղավոր է ճանաչել սպանության փորձ կատարելու համար՝ ՀՀ քրեական օրենսգրքի 34-104 հոդվածի 1-ին մասով, և դատապարտել է 11 տարի 3 ամիս ազատազրկման:

Բաժիններ
Ուղիղ
Լրահոս
Որոնում