«Այդպիսի բան չկա, դա հերյուրանք է, ես երբեք ոչ ոքի հովանավորյալ չեմ եղել՝ մանավանդ ձեր նշած մարդու»,- «Առաջին լրատվական»-ի հետ զրույցում հայտարարեց ՀՀ նախկին ոստիկանապետ, նախագահի խորհրդական Ալիկ Սարգսյանը՝ անդրադառնալով այն հանգամանքին, որ իր հովանավորյալ, Արտաշատի քաղաքապետի թեկնածու «Գազի Հովոն»՝ Հովհաննես Ղազարյանը, օրեր առաջ ինքնաբացարկ հայտնեց:
Նա ավելացրեց, որ մինչ այս պահը ընտրություններին չի միջամտել. «Արտաշատ չեմ գնացել, կարծում եմ՝ միջամտության կարիք էլ չկա»,- ասաց Սարգսյանը:
Ինչ վերաբերում է քաղաքապետի թեկնածու, վարչապետ Հովիկ Աբրահամյանի որդուն՝ Արգամ Աբրահամյանին, Սարգսյանը հավաստիացրեց, որ նա «իհարկե՝ կհաղթի». «Նա այս պահին չունի հակառակորդ, ինչո՞ւ չէ՝ նորմալ, ավարտած, կրթված կադր է»: