Նեպալի արևելքում՝ Էվերեստի նախալեռնային տարածքներում ապրող շերպերը BBC-ին պատմել են, որ ապրիլին տեղի ունեցած երկրաշարժը զգալիորեն փոխել է տեղի լանդշաֆտը:
Տեղի համայնքի ղեկավարները հայտնել են, որ 7-բալանոց երկրաշարժից հետո հողում և սառցադաշտերում ճեղքեր են հայտնվել:
Մի քանի օր առաջ հարյուրավոր մարդիկ ստիպված են եղել լքել իրենց տները, երբ ափերից դուրս է եկել սառցադաշտային լիճը:
Տեղի էկոլոգները մտավախություն ունեն, որ երկրաշարժի հետևանքով լանդշաֆտում տեղի ունեցած փոփոխությունների և ջերմաստիճանի բարձրացման պատճառով սառցադաշտային լճերը կարող են սկսել հեղեղել հարևան տարածքները: