ԱՊՀ անդամ երկրների վարչապետները սկսել են Համագործակցության կառավարությունների ղեկավարների խորհրդի նիստը: Միջոցառումն անցկացվում է Ղազախստանի Բուրաբայ առողջարանային ավանում՝ հայտնում է TASS-ը:
Նիստի օրակարգում են ավելի քան 20 հարցեր։ Մասնավորապես, նախարարների կաբինետի ղեկավարները կքննարկեն ֆինանսատնտեսական ոլորտում հրատապ հարցերի լուծման համատեղ գործողությունների ծրագիրը և միջազգային փոխադրումների իրականացման ժամանակ տրանսպորտային անվտանգության ապահովման ռազմավարությունը:
Ծրագրվում է նաև մի շարք փաստաթղթեր հաստատել, այդ թվում՝ 2014թ. ինովացիոն համագործակցության ծրագրի իրագործման արդյունքները, մինչև 2020թ. այդ ծրագրի իրագործմանն ուղղված համալիր միջոցառումները, 2016-2020թթ. մշակույթի բնագավառում համագործակցության հիմնական միջոցառումները, մինչև 2025թ. անտառտնտեսության և անտառային արդյունաբերության ոլորտում համագործակցության հիմնական ուղղությունները:
Կառավարության ներկայացուցիչները կքննարկեն նաև ընդհանուր կրթական կազմակերպությունների ուսուցիչների որակավորման բարձրացման մասին համաձայնագիրը, կսահմանվի «ԱՊՀ կրթության գերազանցիկ» կրծքանշան, կհաստատեն մինչև 2020թ. ԱՊՀ երկրների պաշտպանության նախարարությունների ռադիացիոն, քիմիական և կենսաբանական պայմանների Միացյալ վերահսկողության և գնահատման համակարգի զարգացման հիմնական ուղղությունները:
Բացի դրանից՝ օրակարգում է մինչև 2020թ. ԱՊՀ անդամ երկրների զինված ուժերում մարտական-կիրառական սպորտի տեսակների զարգացման կոնցեպցիան, ԱՊՀ-մտնող երրորդ պետությունների քաղաքացիների և քաղաքացիություն չունեցող անձանց հաշվառման միասնական համակարգի մասին համաձայնագրի անդամ երկրների տեղեկատվական փոխգործակցության կանոնակարգը:
Վարչապետները նախատեսում են փաստաթուղթ ստորագրել ուրանի արդյունահանման արտադրությունների ազդեցությանը ենթարկված տարածքների վերականգնման միջպետական նպատակային ծրագրում փոփոխությունների մասին և փաստաթուղթ՝ Համագործակցության երկրներում արխիվային գործի վիճակի մասին:
Նիստում կքննարկեն նաև ԱՊՀ որոշ կազմակերպությունների բազայինի կարգավիճակ տալու հարցեր: Կստեղծվի բազային կազմակերպություն՝ ռազմական-մարդասիրական պրոֆիլի մասնագետների պատրաստման համար:
Բացի դրանից՝ վարչապետները կքննարկեն 2014թ. անցկացված ԱՊՀ մարմինների ֆինանսատնտեսական փաստաթղթային ստուգումների արդյունքները:
Օրակարգում նաև մի քանի կադրային հարցեր կան, այդ թվում՝ ԱՊՀ Հակաահաբեկչական կենտրոնի ղեկավարի տեղակալի, ԱՊՀ գործադիր կոմիտեի փոխնախագահների, Համագործակցության անդամ երկրների կառավարությունների ղեկավարների խորհրդի հաջորդ նիստի անցկացման հարցերը:
