Մարդկանց շրջանում մշտապես մեծ ժողովրդականություն են վայելել տարբեր տեսակի կանխագուշակումները: Ու թեև ավելի հաճախ դրանք ասոցացվում են մեդիումների ու գուշակների հետ, ֆենոմենալ հստակ կանխատեսումները բավական շատ են գեղարվեստական գրականությունում:
novate.ru-ն ներկայացնում է հայտնագործություններ, որոնք իրական կյանքում են հայտնվել ֆանտաստիկ գրականությունից։
1. Մարսը ունի երկու արբանյակ
«Գուլիվերի ճանապարհորդությունը» գրքում Ջոնաթան Սվիֆթը գրել է, որ Մարսն ունի երկու բնական արբանյակ: 1872թ.՝ 142 տարի անց, աստղագետները հայտնաբերեցին, որ Մարսը իրականում ունի երկու լուսին՝ Ֆոբոսն ու Դեյմոսը:
2. Արևային առագաստներ
1865թ. Ժյուլ Վեռնը «Երկրից լուսին ուղիղ ճանապարհով 97 ժամ 20 րոպեում» գրքում նկարագրել է արևային առագաստի գաղափարը: 145 տարի անց՝ 2010 թվականին, հաջողությամբ կիրառվել է առաջին արևային IKAROS առագաստը:
3. Էլեկտրական սուզանավ
1870թ. Ժյուլ Վեռնը ստեղծեց «20 հազար լյո ջրի տակ» վեպը, որտեղ մանրամասն նկարագրում էր էլեկտրական «Նաուտիլուս» սուզանավը: 90 տարի անց՝ 1960-ականներին, շահագործման հանձնվեցին էլեկտրական սուզանավերը:
4. Կրեդիտ քարտեր
Դեռ 1888 թվականին Էդվարդ Բելլամին գուշակել էր կրեդիտ քարտերի օգտագործումը: Քարտերը հայտնագործեցին 62 տարի անց՝ 1950-ին:
5. Օդային գովազդ
Ժյուլ Վեռնի «Ամերիկացի լրագրողի կյանքը մեկ օր 2889 թվականին» գրքում նկարագրված են ինքնաթիռները, որոնք հաղորդագրություններ են գրում երկնքում (օդային գովազդ): 1915թ. նման բան արվեց առաջին անգամ Սան Ֆրանցիսկոյի ավիաշոուում:
6. Դռների ավտոմատ բացում
1899թ. Հերբերտ Ուելսը պատմեց ավտոմատ բացվող դռների մասին «Երբ քնածը կարթնանա» վեպում: Մոտ 60 տարի անց՝ 1960-ին, դրանք իսկապես ստեղծվեցին:
7. Տանկեր
1903թ. Հերբերտ Ուելսը գրեց «Հետևակային զրահակիրները» գիրքը, որում պատմում էր տանկերի մասին: 13 տարի անց առաջին անգամ հայտնվեցին իսկական տանկերը:
8. Ստի դետեկտոր
1910թ. Էդվին Բալմերը ու Ուիլյամ Մակ-Հարգը գրեցին «Լյութեր Թրենտի ձեռքբերումները» գիրքը, որտեղ հիշատակվում է ստի դետեկտորով թեստի մասին: 1924թ. նման սարքը իսկապես մտավ կիրառության մեջ: