Երկու զբոսաշրջիկ զբոսավարի հետ միասին Մասաի-մարա արգելոցում տեսել են կենդանիների արքայի ստորացումը՝ հայտնում է Daily Mail-ը:
Հնարավոր է՝ առյուծը փորձել է հարձակվել նորածին ձագի վրա, որին պաշտպանել են մեծ կենդանիները: Գոմեշները վայրկենաբար են արձագանքել և իրենց հակահարձակմամբ առյուծին այնքան են վախեցրել, որ նա ծառն է մագլցել, որպեսզի ինքը զոհ չդառնա:
Լուսանկարների հեղինակները պատմել են, որ գոմեշներն այդքանով չեն սահմանափակվել՝ սկսել են պտտվել ծառի շուրջը, որի վրա բարձրացել էր առյուծը:
Առյուծն այդ ընթացքում սկսել է ներքև սահել իր մարմնի քաշի ծանրության պատճառով, և նրան ոչինչ չէր մնում անել, քան ներքև ցատկել ու արագ փախչել դեպի թփերը: