Մյունխենի «Բավարիա»-ն ցանկանում է ձեռք բերել «Մանչեսթեր Յունայթեդ»-ի կիսապաշտպան Անխել դի Մարիայի իրավունքները: Այդ մասին հայտնում է Mirror-ը:
«Կարմիր սատանաներ»-ը 59.7 մլն եվրո կպահանջեն` Արգենտինայի հավաքականի 27-ամյա ֆուտբոլիստի ծառայություններից հրաժարվելու համար: Այդքան է կազմում Դի Մարիայի պայմանագրով նախատեսված հրաժարագինը: Ֆուտբոլիստի ծառայություններով հետաքրքրված է նաև ՊՍԺ-ն:
Մյունխենցիները կարող են ավելի մեծ գումար վճարել կիսապաշտպանի տրանսֆերի դիմաց, քանի որ փարիզյան ակումբը ստիպված է պահպանել ֆինանսական ֆեյր փլեյի կանոնները:
Հավելենք, որ Դի Մարիան, ով «Մանչեսթեր Յունայթեդ»-ի կազմում անցկացրած 32 խաղերում 4 գոլ է հեղինակել, ցանկանում է Իսպանիա վերադառնալ, եթե անգլիացիները որոշեն հրաժարվել նրա ծառայություններից: