Google և Yahoo ընկերությունները ցանկանում են գնել Flipboard ծառայությունը, որը նորությունները խմբավորում է Facebook, Instagram, Flickr և այլ աղբյուրներից, հայտնում է hitech.vesti.ru-ն: Խոշորագույն համացանցային ընկերության ներկայացուցիչները հանդիպել են սոցիալական ամսագրի ղեկավարությանը և քննարկել հնարավոր գործարքի հարցերը, սակայն դեռևս գին չեն առաջարկել:
Flipboard-ի նկատմամբ ակտիվ հետաքրքրություն է ցուցաբերում նաև Twitter-ը: Ըստ Re/code կայքի տվյալների՝ պատրաստ է գնել մեկ միլիարդ դոլարով:
Flipboard-ը գործնականորեն ընդունակ է նորություններ վերցնելու բոլոր շատ թե քիչ խոշոր սոցցանցերից՝ Facebook, Twitter, Instagram, Google+, LinkedIn, Flickr, Tumblr, 500px, Sina Weibo և Renren, ինչպես նաև Google Reader-ից և YouTube-ից:
Ծառայությունը տեսակավորում է գրանցումներն ըստ կատեգորիաների, գեղեցիկ ձևով ներկայացնում, կարծես օգտվողը թերթում է ամսագիրը: 5 տարի առաջ ստեղծված Flipboard-ը ունի 65 միլիոն օգտվող: