Հարյուրավոր քաղաքացիներ, որոնք փախել էին Իրաքի Ռամադի քաղաքից այն բանից հետո, երբ ԴԱԻՇ-ը անցած շաբաթ արյունահեղությունների գնով այն գրավեց, ձերբակալվել են իրաքյան ոստիկանության կողմից, քանի որ նրանք կասկածվում են ահաբեկիչներ լինելու մեջ։ Այս մասին գրում է Daily Mail-ը:
Նոր ֆոտոշարքը ցույց է տալիս բազմաթիվ իրաքցի փախստականների, որոնք միմյանց շղթայված են մի շարքով՝ Անբար նահանգի անապատային շրջաններից մեկում:
Հաղորդվում է, որ նրանք ձերբակալվել են Բաղդադի ոստիկանների կողմից վերահսկվող շիա ոստիկանական խմբերի կողմից:
Ավելի քան 55 հազար մարդ է լքել Ռամադին, երբ մայիսի 17-ին ԴԱԻՇ-ը գրավեց քաղաքն ու սպանեց մոտավորապես 500 մարդու: