2015 թվականի մայիսի 26-ից մինչև հունիսի 2-ը Գերմանիայի Մյունխեն քաղաքում անցկացվում է հրաձգության աշխարհի գավաթի խաղարկությունը, որը վարկանիշային է «Ռիո-2016» օլիմպիական խաղերի համար: Յուրաքանչյուր վարժությունում առաջատար եռյակը կարժանանա ուղեգրի, սակայն եթե առաջատարները արդեն իսկ ունեն ուղեգիր, ապա այն բաժին կհասնի հաջորդ տեղը զբաղեցրածներին:
Աշխարհի գավաթի խաղարկությանը Հայաստանը ներկայացնում են Երևանի հրաձգության մանկապատանեկան մարզադպրոցի 4 սաները՝ Հրաչիկ Բաբայանը, Սուրեն Բերյանը, ինչպես նաև Գերմանիայում բնակվող Իրինա (Աղաջանյան) և Քրիստիան Լաուեր ամուսինները:
Մեր մարզիկները աշխարհի գավաթին մասնակցում են Հայաստանի հրաձգության հավաքական թիմի գլխավոր մարզիչ Սեյրան Նիկողոսյանի ղեկավարությամբ ու հանդես են գալիս գնդակային հրաձգության հրացան ձևում: Նրանց մրցելույթները սկսվելու են մայիսի 28-ին
Հայաստանի սպորտի և երիտասարդության հարցերի նախարարության մամլո ծառայություն