«Երեկ թուղթ ենք ստացել, տեղեկացնում են, որ Քրեական օրենսգրքի 309 հոդվածի 2-րդ մասով քրգործ է հարուցվել մայիսի 13-ին նախագահականի դիմաց միջադեպի մասով»,- «Առաջին լրատվականի»-ի հետ զրույցում նշեցին նախագահականի դիմաց ակցիա իրականացնող սևազգեստ մայրերը՝ հավելելով, որ որոշման մեջ նշված է, որ գործում ներգրաված են երեք ոստիկաններ, բայց նրանց անունները չեն նշվում:
Մայրերը հիշեցրին, որ մայիսի 13-ին նախագահականի մոտ ոստիկանները իրենց քաշքշել են, նաև մարմնական վնասվածքներ հասցրել: «Մենք դիմել էինք ոստիկանություն, դատաբժշկական փորձաքննություն անցել: Հետքերը մինչև հիմա էլ կան: Խաղաղ ակցիա է եղել, նույնիսկ ճաղերին չէինք հասել, սկսեցին քաշքշել: Ինչո՞ւ: Ո՞վ է ասել, որ նախագահականի ճաղերին մոտենալ չի կարելի. այդպիսի օրենք չկա»,- նշեցին նրանք:
Ակցիայի մասնակիցները պահանջում էին նախագահից կարգի հրավիրել ոստիկանական համակարգի այն աշխատակիցներին, որոնց գործողությունները եղել են ոչ իրավաչափ: «Դեմքերով գիտենք՝ ովքեր են եղել: Կան ոստիկաններ, որոնք հոյակապ մարդիկ են, կան ոստիկաններ, որոնք աբիժնիկ, հրեշ են»,- նշեցին նրանք:
Մանրամասները՝ տեսանյութում: