Հայաստանի արհմիությունների խորհուրդը ԱՊՀ մի շարք երկրների իրենց գործընկերների հետ այսօր Երևանում անցկացնում էին հերթական ամենամյա խորհրդի նիստ:
ՏԻՄ և հասարակական սպասարկման աշխատողների ճյուղային հանրապետական արհմիության նախագահ Անահիտ Ասատրյանն այսօր լրագրողների հետ զրույցում նշեց, որ իրենց ոլորտում խնդիրները շատ են: Կամավոր արհմիություններ են ստեղծվում, որոնք հրաժարվում են անդամավճարից, բայց այդ դեպքում իրենք՝ ճյուղային արհմիությունները, չեն կարող զբաղվել աշխատողի խախտված իրավունքների պաշտպանությամբ:
Բացի այդ, Ասատրյանի խոսքով՝ իրենց հիմնական խնդիրը քաղաքացիական և համայնքային աշխատողների աշխատավարձերի խնդիրն է, որով իրենք մշտապես դիմում են կառավարությանը: Եթե քաղծառայողների դեպքում խնդիրը լուծվեց, ապա համայնքային ծառայողների դեպքում խնդիրը շարունակում է մնալ առկախված:
Ինչ վերաբերում է աշխատողների մյուս խախտված իրավունքներին, ապա Ասատրյանի խոսքով՝ իրենք, հիմնվելով միջազգային փորձի վրա, աշխատում են լուծում տալ այդ խնդիրներին:
Առավել մանրամասն՝ տեսանյութում: