Եվրահանձնաժողովն առաջարկում է ԵՄ պետություններին 6 000-ական եվրո հատկացնել յուրաքանչյուր ընդունած՝ Աֆրիկայի երկրներից միության սահմաններին Միջերկրական ծովով հասած միգրանտի համար ԵՄ-ի տարածքում հավասարաչափ տեղավորման մեխանիզմի շրջանակներում: Այս մասին RIA Novosti-ին հայտնել է աղբյուրը Եվրախորհրդարանում:
«ԵՄ երկրներին առաջարկվում է 6 000-ական եվրո վճարել մեկ փախստականի ընդունելու համար»,- ասել է նա:
Եվրահանձնաժողովի առաջարկները պաշտոնապես կներկայացվեն չորեքշաբթի օրը Բրյուսելում: Խոսքը ԵՄ անդամների միջև ջրային ճանապարհով անօրինական միգրանտների տեղաբաշխման մասին է: Եվրահանձնաժողովն առաջարկում է նրանց ընդունելության քվոտա սահմանել ԵՄ երկրներում՝ կախված ազգային ՀՆԱ-ի ծավալից, գործազրկության մակարդակց և արդեն ընդունած փախստականների թվից:
Ուժի մեջ մտնելու համար այդ առաջարկները պետք է հաստատեն ԵՄ Խորհրդում ներկակացված ԵՄ անդամները: Միաժամանակ, դրանք պարտադիր չեն լինի Մեծ Բրիտանիայի, Իռլանդիայի և Դանիայի ահմար, որոնք ինքնուրույն միգրացիոն քաղաքականություն կվարեն:
Միաժամանակ, պարտադիր քվոտաների համակարգը հակասում է ապրիլի 23-ի ԵՄ արտահերթ գագաթնաժողովի որոշումներին, որի մասնակիցները պայմանավովրել են կամավոր հիմունքով, ոչ թե պարտադիրկարգով օգնել միության գործընկերներին:
Դրա հետ կապված՝ պարտադիր քվոտաներ չընդունելու մասին հայտարարելեն Հունգարիան, Ֆրանսիան, Մեծ Բրիտանիան, Իսպանիան, Չեխիան, Սլովակիան, Լեհաստանը, Էստոնիան, Լատվիան և Լիտվան: