Լոնդոնի «Չելսի»-ի ավագ Ջոն Թերին իր կարծիքն է հայտնել Կարլո Անչելոտիին` Մադրիդի «Ռեալ»-ի գլխավոր մարզչի պաշտոնից հեռացնելու վերաբերյալ: Անչելոտիի գլխավորությամբ Թերին «Չելսի»-ում խաղացել է 2009-2011թվականներին:
«Ցավում եմ, որ «Ռեալ»-ն Անչելոտիին ազատեց աշխատանքից: Կարլոյի հետ շատ մտերիմ էինք ինչպես խաղադաշտում, այնպես էլ դրա սահմաններից դուրս: Նա իր որակներով մոտ է Ժոզե Մոուրինյոյին, ում իմ սիրելի մարզիչն եմ համարում:
Կարլոն ֆանտաստիկ մարզիչ է և հիանալի անձնավորություն: Ուրախ կլինեմ, եթե Անչելոտին Անգլիայի առաջնություն վերադառնա»,- talkSPORT-ը մեջբերում է Թերիի խոսքերը: