«Մենք ունենք Աբովյանի ԵԿՄ խորհուրդ, որը որոշում է՝ հայտարարություն անել, թե ոչ։ Մենք ուզում ենք, որ մաքուր, ազատ ընտրություն լինի»,- «Առաջին լրատվական»-ի հետ զրույցում նշեցին Աբովյանի ԵԿՄ կառույցի անդամները:
ԵԿՄ անդամ Էդվարդ Անտինյանը մեզ հետ զրույցում նկատեց, որ չի կարելի բարդացնել և հասցնել՝ չգիտես թե ուր. «Սովորական իրավիճակ է, ընտրություններ են, չգիտեմ՝ ինչու են աժիոտաժ, առճակատում սարքում»,- ընդգծեց նա: Ըստ Անտինյանի՝ տարբեր տեսակետների խնդիր է, առճակատման հարց չկա, գուցե դեռ վերջնական որոշում լինի, և իրենց տեսակետը որոշակի ազդեցություն գործի մարզային կառույցի այլ ներկայացուցիչների վրա:
Հիշեցնենք, որ այսօր Աբովյանի ԵԿՄ կառույցի 20-ից ավելի անդամներ, այդ թվում՝ կառույցի փոխնախագահը, հայտարարել էին, որ սատարելու են Արթուր Հարությունյանին, և իրենց տեսակետի վրա ոչ ոք չի կարող ազդել։ Բացի այդ, գեներալ Մանվել Գրիգորյանի կողմից Վահագն Գևորգյանին սատարելու մասին հայտարարություն չի եղել:
Ինչ վերաբերում մարզային կառույցի հայտարարությանը, ապա դա իրենց տեսակետն է և ոչ թե Աբովյանի երկրապահների կամ Աբովյանի ԵԿՄ կառույցի ընդհանուր դիրքորոշումը:
Աբովյանի երկրապահները նաև հիշեցրին, որ իրենք կուսակցական չեն և կարող են իրենց դիրքորոշումը ներկայացնել ու ազատ ընտրություններ ակնկալել:
Մանրամասները՝ տեսանյութում։