«Տարոն Մարգարյանը խոր հարգանքով է վերաբերվում օրենսդիր մարմնի հանդեպ, խոր հարգանքով է վերաբերվում իր աշխատանքի, Ազգային ժողովի հանդեպ: Եվ որևէ պատճառ մի՛ փնտրեք, թե Տ.Մարգարյանն ինչու չի գալիս ԱԺ»,- այսօր լրագրողների հետ զրույցում ասաց փոխքաղաքապետ Կամո Արեյանը՝ պատասխանելով հարցին, թե խորհրդարանում քաղաքապետարանի ծախսերի հաշվետվությունն ինչու Երևանի քաղաքապետ Տ.Մարգարյանը չի ներկայացնում:
Արդյոք Տ.Մարգարյանը խուսափում է պատգամավորների և լրագրողների՝ 2014թ. Երևանի ծախսերին վերաբերող հարցերից: «Տ.Մարգարյանը ոչ մեկից չի վախենում: Պարզապես մարդը գործուղման մեջ է: Եվ պաշտոնապես դիմել է ԱԺ-ին, թե իրեն կփոխարինի փոխքաղաքապետը: Էլ ի՞նչ եք ընկել սարուձոր»,- մեկնաբանեց Կ.Արեյանը: