ԵԿՄ Կոտայքի մարզի անդամները զայրացած են, որ տեղեկատվություն է տարածվել՝ իբր 2015թ. հունիսի 7-ին Աբովյանում տեղի ունենալիք քաղաքապետի արտահերթ ընտրություններում ԵԿՄ-ն պաշտպանելու է Ազգային ժողովի պաշտպանության, ազգային անվտանգության և ներքին գործերի մշտական հանձնաժողովում երկարամյա աշխատանքային փորձ ունեցող Վահագն Գևորգյանի թեկնածությունը։
ԵԿՄ անդամ Մեսրոպ Մկրտչյանը «Առաջին լրատվական»-ի հետ զրույցում նշեց, որ երբ բոլոր շարժումները սկսվեցին Աբովյանից, ոչ մեկը չղեկավարեց իրենց, բայց այսօր իրենց գլխին ղեկավար են ման գալիս:
«Չի կարող էդպիսի բան լինել: Կա մեկ հրամանատար, նրա կողմից նման հրաման չի արձակվել, թե սատար կանգնեք սրան, նրան, ձայն տվեք Պողոսին, Պետրոսին: Սա էլ կռիվ է, բայց խաղաղ պայմաններում, մենք քաղաքականության հետ գործ չունենք»,- ասաց նա։
Մեսրոպ Մկրտչյանը նշեց, որ սատարելու է Արթուր Հարությունյանին։
ԵԿՄ անդամ Վարդան Խաչատրյանն էլ հավելեց, որ ինքն էլ սատարելու են Արթուր Հարությունյանին. Ինքնակամ: Եվ ոչ մեկը իրեն չի կարող պարտադրել՝ սրան կամ նրան ձայն տալ։
