1989 թվականին Երևանում ծնված հունահռոմեկան ոճի ըմբշամարտի Հայաստանի առաջնությունների գերծանր քաշային կարգի մրցանակակիր Էդուարդ Սողոմոնյանն, ով 2012 թվականից բնակվում է Բրազիլիայում, արժանացել է 2016 թ Ռիո Դե Ժանեյրոյի օլիմպիական խաղերում Բրազիլիան ներկայացնելու մեծ պատվին: Ինչպես արդեն իրազեկել էինք, 2011 թվականին Սողոմոնյանը համահայկական մարզական 5-րդ խաղերին մասնակցելու համար Երևան ժամանած Բրազիլիայի Սան Պաուլո քաղաքը ներկայացող պատվիրակների հետ էր ծանոթացել, իսկ հետո Ռիկարդո Միքայելյանի հրավերով մեկնել էր Բրազիլիա:
Էդուարդը հետագայում մեծ հաջողությամբ մասնակցել է Բրազիլիայում կազմակերպվող մրցաշարերին: Նա այս տարի դարձել է առաջին արտասահմանցի ըմբիշը, ում Բրազիլիայի քաղաքացիություն է շնորհվել: Սողոմոնյանն այսուհետև միջազգային մրցաշարերում հարավամերիկյան այս երկրիը կներկայացնի: Նախկին երևանցի ըմբիշը բոլորովին վերջերս մասնակցել է ըմբշմարտի 2015 թ Բրազիլիայի առաջնությանն ու գերծանր՝ 130 կգ քաշային կարգում նվաճել է երկրի չեմպիոնի տիտղոսը:
Սողոմոնյանը պարտության մատնելով իր բոլոր մրցակիցներին` հասել է երզափակիչ, որտեղ էլ առավելության է հասել նաև Իսահակ Սավեսի նկամամբ ու նվաճել է ստուգատեսի ոսկե մեդալը: Գերծանր քաշային կարգում բրոնզե մեդալակիրներ են դարձել Անդրե Ռամոսն ու Լուիս Օլիվեյրան:
Հայաստանի ըմբշամարտի ֆեդերացիայի մամլո ծառայություն
