«Երկրապահին որևէ մեկը չի կարող թելադրել, որևէ բան ասել. մենք լսում ենք, ընդունում ենք զորավարի խոսքը և մեր գլխավոր հրամանատարի ուժը։ Մի ուժ, որն ամիսուկես առաջ զորավարի հասցեին արտահայտություն արեց, իրենց բառով՝ «ատչոտ» էր ուզում, և մի ուժի գլխին կանգնած անձ անհնազանդության կոչ արեց՝ մեր երկրի գլխավոր հրամանատարի անձին։ Ձեր կարծիքով՝ մենք նման բան կհանդուրժե՞նք, մենք կսատարե՞նք. հետևություն դուք արեք»,- «Առաջին լրատվական»-ի հետ զրույցում ասաց ԵԿՄ անդամ Պարգև Գրիգորյանը՝ անդրադառնալով այն լուրերին, թե 2015թ. հունիսի 7-ին Աբովյանում տեղի ունենալիք քաղաքապետի արտահերթ ընտրություններում ԵԿՄ-ն պաշտպանելու է Ազգային ժողովի պաշտպանության, ազգային անվտանգության և ներքին գործերի մշտական հանձնաժողովում երկարամյա աշխատանքային փորձ ունեցող Վահագն Ժիրայրի Գևորգյանի թեկնածությունը։
Նա նշեց, որ Արթուր Հարությունյանը տարիներ շարունակ ԵԿՄ-ի կողքին է եղել, սատարել է։
«Զորավարի հրահանգին ենք ենթարկվում և մեր երկրի գլխավոր գերագույն հրամանատրի։ Ծառուկյանը թող գնա՝ Ծաղիկ Ռուբոյի ստեղծած խումբը ղեկավարի, որ ուզում էին մասնատել Երկրապահը: Ամիսուկես առաջ այդ ուժը անհնազանդության կոչ արեց գերագույն գլխավոր հրամանատարի հասցեին»,- հավելեց նա։