Չինաստանի կենտրոնական Հենան մարզի Պինդինշան քաղաքում գտնվող ծերանոցում բռնկված հրդեհը 38 մարդու կյանք է խլել։ Եվս 6-ը վնասվածքներ են ստացել։ Նրանցից 2-ի վիճակը ծանր է։ Այս մասին հայտնում է China.com-ը։
Հրդեհից վառվել է առնվազն 10 շինություն։
Զոհերի թիվը կարող է ավելանալ, քանի որ այնտեղ կարող են մարդիկ մնացած լինել։ Փրկարարական գործողությունը դեպքի վայրում շարունակվում է։
Նախնական տվյալներով՝ հրդեհի պատճառը կարող է լիել էլեկտրալարերի կարճ միացումը։ Հրդեհի բռնկման պահին ծերանոցում եղել է ավելի քան 100 մարդ։
