Նրանք պատրաստվել էին նախորոք. զինյալների հրամանատարների մոտ նախապես եղել են Պալմիրա քաղաքի բնակիչների ցուցակը, ովքեր ծառայել են սիրիական բանակում, ոստիկանությունում, աշխատել են որպես պետական պաշտոնյաներ, եղել են իշխող կուսակցության կազմում: 217 սպանված 10 օրվա մեջ, այդ թվում՝ 12 կին և 14 երեխա: Դիակները թողել են ուղղակի փողոցներում: Շատերին տարել են այսպես կոչված խալիֆայության մայրաքաղաք: Այս մասին գրում է vesti.ru-ն:
Ինքնահռչակ խալիֆայության ռազմական ղեկավարները ջանում են Իրաքին սահմանակից երկրների կոռումպացված պաշտոնյաների միջոցով ձեռք բերել ատոմային զենք ու մի տարի անց այն օգտագործել:
Ասադի կանոնավոր զորքերը և շիաների խմբերն արդեն չեն մտածում Պալմիրան վերադարձնելու և 18-դարյա եզակի հուշարձանները փրկելու մասին, այլ կազմակերպում են պաշտպանություն: Աննախադեպ սպառնալիքի մասին է խոսում նաև Իրաքի վարչապետ Խայդեր ալ-Աբադին, արդարացնելով իր անփառունակ պարտությունները:
ԴԱԻՇ-ի ինքնասպանները, որոնք հարձակվում են ջիպերով, մարդատար և երթուղային տաքսիներով, իրաքյան զինվորականներին ստիպում են փախչել՝ թողնելով դիրքերը և այն զենքերը, ինչն արդեն մի քանի տարի է ներկրվում է ԱՄՆ-ի հրահանգիչների կողմից: Իսկ Պենտագոնի ղեկավարը զայրանում է Բաղդադի իր գործընկերների վրա, ասելով, որ նրանք ուղղակի չեն ուզում կռվել:
Ոչ Իրաքի, ոչ էլ Սիրիայի կառավարությունները չեն կարողանում համախմբել բնակչությանը պետականության անկման սպառնալիքի առջև: Այժմ պայքարը մղվում է միայն կրոնական, էթնիկ և տոհմական սկզբմունքներով: