«Կարկուտի խփածը տեսանք գժվանք, ճնշումներս բարձրացավ, ինֆարկտ ստացանք, ինչ անենք, սաղ բերքը հողին ա հավասարացվել, լացելու ա»,- «Առաջին լրատվականի» հետ զրույցում նշեցին Արարատի մարզի Նարեկ գյուղի բնակիչները: Նրանց պնդմամբ՝ եթե գյուղի ոչ 100 տոկոսը, ապա 90 տոկոսը միանշանակ կարկուտի պատճառով տուժել է: Վնասի չափը ճշտելու համար գյուղացիների խոսքով գնացել են Գյուղատնտեսության փոխնախարար Սամվել Գալստյանն ու Արարատի փոխմարզպետը, բայց փոխհատուցման մասին խոսակցություն չի եղել: Գյուղացիների պնդմամբ՝ չկա դաշտ կամ տնամերձ, որտեղ կարկուտը վնասներ հասցրած չլինի. «Տարիների աշխատանքը 5 րոպեում ջուրը գնաց, էլ ինչ ասենք»:
Գյուղացիների խոսքով՝ բերք ստանալու համար արդեն 100-200 հազար դրամ ծախսել էին ՝ պարարտանյութ էին գնել, սիլիտրա, թունաքիմիկատ, և ակնկալում էին առողջ, առատ բերք ստանալ, բայց հիմա մնացել են ձեռնունայն. «Ինչ աենք, մենք թողենք գնանք, առանց այն էլ՝ բոլորը գնում են, դարձել է Լեննականը, ոնց ապրենք»,- նշեցին նրանք:
Գյուղացիները վրդովված էին, նրանց պնդմամբ՝ կառավարությունը երբեք վարկերի ու հողի հոգսի մեջ խեղդված գյուղացուն օգնություն չի ցուցաբերում, անգամ այն պարագայում, երբ աղետ է լինում. «Շատ շատ ասեն հողի փող մի տվեք, էհ ինչ, բերքը չկա, ինչո՞վ ապրենք»,- նշեցին նրանք:
Գյուղացիների խոսքով՝ եթե կարկտակայան գյուղում լիներ, այս իրավիճակը չէր ստեղծվի:
Գյուղացիները, միմյանց հերթ չտալով, ներկայացնում էին իրավիճակը, հրավիրում արտերը, հողատարածքները սեփական աչքերով տեսնելու համար ու նշում, որ աղետալի պատկերը տեսնելիս ցանկացած քայլի պատրաստ են, բայց, միևնույն է, գիտեն, որ կառավարությունը իրենց կրկին ոչնչով չի աջակցելու:
Մանրամասները՝ տեսանյութում:
