Մոսկվայի քաղաքային դատարանն այսօր օրինական է ճանաչել «Բաշնեֆթ» նավթային ընկերության գործով անցնող գործարար Լևոն Հայրապետյանի տնային կալանքի ժամկետի երկարացումը։ Այս մասին հայտնում է RIA Novosti-ն։ Այսպիսով՝ դատարանը մերժել է փաստաբանի բողոքը՝ ուղղված խափանման միջոցը երկրից չբացակայելու ստորագրությամբ փոխարինելուն։
Փաստաբանը միջնորդությունը պատճառաբանել էր պաշտպանյալի վատ ինքնազգացողությամբ։
Այսպիսով՝ Հայրապետյանը տնային կալանքի տակ կմնա առնվազն մինչև 2015 թվականի հուլիսի 28-ը։
Ինչպես երեկ տեղեկացրել էինք՝ քննությունը դադարեցրել է հայ գործարար Լևոն Հայրապետյանի դեմ գործի նախաքննությունը։
Գործարարը ձերբակալվել էր 2014թ. հուլիսին «Դոմոդեդովո» օդանավակայանում՝ հանցավոր ճանապարհով ձեռք բերված 700 հազար դոլարի օրինականացման համար: