Կանադացի գիտնականները առաջ են քաշել մամոնտների անհետացման նոր վարկած: Դրանք անհետացել են գիտությանն անհայտ վիրուսից: Ըստ գիտնականների՝ այն վնասել է կենդանիների նյարդային համակարգը՝ հայտնում է VladTime-ը:
Բոլորովին վերջերս Կանադայում գիտնականները նոր սարքավորման և նորագույն տեխնոլոգիաների օգնությամբ հետազոտել են մամոնտի հայտնաբերված մնացորդները: Նախկինում հայտնի էր, որ մամոնտներն անհետացել են Երկրի վրա կտրուկ սառեցման պատճառով, սակայն այժմ այդ վարկածը կասկածի տակ է դրվում:
Հաղորդվում է, որ մնացորդներում մասնագետները հայտնաբերել են վիրուս, որը մինչև հիմա լիովին ուսումնասիրված չէ: Գիտաշխատողներին հաջողվել է պարզել, որ այն վնասում է նյարդային համակարգը, ինչի հետևանքով կենդանին կաթվածահար է եղել և սատկել սովից:
Ներկայումս այդ վարկածի ուսումնասիրությունը շարունակվում է, քանի որ գիտնականները դեռ չեն կարողանում 100%-ով պնդել, որ մամոնտներն անհետացել են անհայտ վիրուսից: Առայժմ դա միայն մամոնտների անհետացման ենթադրյալ պատճառներից մեկն է:
