ԴԱԻՇ-ը ( Իրաքի և Շամի իսլամական պետություն) նպատակ է դրել Սաուդյան Արաբիան բաժանել 5 մասի, կիրակի հայտնել է ներքին գործերի նախարարության ներկայացուցիչ գեներալ Բասամա Ատին: Նրա մամլո ասուլիսը ցուցադրել են հեռուստատեսությամբ: Այս մասին գրել է ria.ru-ն:
Թագավորությունում ԴԱԻՇ-ի գլխավոր թիրախը անվտանգության աշխատակիցներն են, մասնավորապես վերջերս ոստիկանությունը կարողացել է կանխել խմբավորման կողմից 5 սպաների սպանությունը:
Գեներալը նշել է, որ ԴԱԻՇ-ի ահաբեկիչները սկսել են գործել 4 ամիս առաջ և հավաքագրում են բոլորին, այդ թվում՝ սոցցանցերի միջոցով երիտասարդներին և երեխաներին՝ նրանց ներշնչելով ծայրահեղական գաղափարներ և պահանջելով սպանել իրենց հարազատներին:
ԴԱԻՇ-ը ահաբեկչություն է կազմակերպել մզկիթում աղոթքի ժամանակ: Պայթյունի հետևանքով զոհվել է 21 մարդ, 100-ից ավելի վիրավորվել են:
