Եմենում կոնֆլիկտի սրման պատճառով զոհվել է մոտ 130 երեխա, իսկ 260-ը վիրավորվել է: Այդ տեղեկությունը եղել է Ժնևի Մանկական հիմնադրամի տնօրեն Էնտոնի Լեյկի հայտարարության մեջ, որը հակամարտող կողմերին կոչ է արել պահպանել երեխաներին և ռազմական գործողությունների ընթացքում ապահովել հումանիտար դադարներ, հայտնում է tass.ru-ն:
Օրեցօր ավելանում է զոհերի թիվը երեխաների մեջ, և այդ մահերից յուրաքանչյուրը անձնական ողբերգություն է: Երեխաները չպետք է շարունակեն վճարել Եմենում բռնությունների գինը, անհանգստությամբ ասել է Լեյկը:
Հիշեցնենք, որ Եմենում հակամարտությունը սկսվել է 2014 թ. օգոստոսից: Տվյալների համաձայն՝ մարտի 26-ից մայիսի 20-ը սպանվել է 1037 քաղաքացի, իսկ 2453-ը վիրավորվել են: 2015 թ. մարտից ավելի քան 300 հազար մարդ տեղահանվել է, իսկ 8 միլիոն մարդ առողջապահական օգնության կարիք ունի:
