Տոկիոյում հազարավոր ցուցարարներ շրջապատել են կառավարության շենքը՝ որպես բողոք Ճապոնիայի հարավում գտնվող Օկինավա կղզում ամերիկյան ռազմական բազայի շինարարության դեմ, հայտնում է BBC-ն:
Կազմակերպիչները պնդում են, որ ցույցին մասնակցել է մոտավորապես 15 հազար մարդ:
Օկինավայում տեղակայված է Ճապոնիայում գտնվող ամերիկյան շուրջ 47-հազարանոց զորքի կեսը:
Տոկիոն և Վաշինգտոնը աջակցում են Օկինավայում նոր ռազմաբազա կառուցելու պլանին, որտեղ կտեղափոխվեն ամերիկյան զորքերը խիտ բնակեցված Գիտնովան քաղաքից:
Ապրիլ ամսին Ճապոնիայի վարչապետ Սինձո Աբեն նոր բազայի կառուցումը համարել էր «միակ ելքը»:
Անցած կիրակի շուրջ 35 հազար մարդ Օկինավայում մասնակցել է ռազմական բազայի դեմ ուղղված ցույցին:
