Թեհրանը և «վեցյակը» Իրանի միջուկային ծրագրի վերաբերյալ բանակցություններում պայմանավորվել են Իրանի դեմ գործող տնտեսական ու ֆինանսական պատժամիջոցների միաժամանակյա չեղարկման մասին: IRNA գործակալության հաղորդմամբ՝ այս մասին մայիսի 24-ին հայտարարել է իրանական մեջլիսի պատգամավոր Քամալէդդին Փիրմոազենը:
«Արաքում ծանր ջրի վրա ռեակտորի պահպանումը, Իրանի դեմ գործող տնտեսական ու ֆինանսական պատժամիջոցների միաժամանակյա չեղարկումը, Ֆորդո ձեռնարկության պահպանումը, որտեղ 1,444 հազար ցենտրիֆուգ կգործի՝ Իրանի միջուկային ծրագրի վերաբերյալ ապագա համաձայնագրի կետերի մի մասն է, որին արդեն համաձայնվել են «վեցյակի» պետությունները,- ասել է օրենսդիրը լրագրողներին՝ հղում անելով Իրանի ԱԳՆ ղեկավար Մոհամմադ Ջավադ Զարիֆի և նրա տեղակալ, իրանական պատվիրակության ղեկավար Աբաս Արաքչիի հայտարությանը մեջլիսի փակ նիստի ժամանակ: Իրանցի գլխավոր դիվանագետները հրավիրված են եղել խորհրդարան միջուկային գործարքի վերաբերյալ բանակցությունների ընթացքի մասին հաշվետվության համար, նշում է IRNA-ն:
Մայիսի 26-ին Վիեննայում Իրանի և ԵՄ պատվիրակությունները կշարունակեն խորհրդակցություններն ապագա համաձայնագրի նախագծի կազմման վերաբերյալ: