ՀՀ նախկին վարչապետ Տիգրան Սարգսյանը Երևանը բեռնաթափելու նպատակով մտադրվել էր Գյումրի տեղափոխել գերատեսչություններ:
Ակտիվ աշխատանքներ էին տարվում մշակույթի նախարարությունը Գյումրի տեղափոխելու ուղղությամբ։ Տիգրան Սարգսյանը մշակույթի նախարար Հասմիկ Պողոսյանի հետ նույնիսկ այցելել էր Գյումրի՝ նախարարության համար շենք փնտրելու: Չնայած ընթացող աշխատանքներին՝ տիկին Պողոսյանը դեմ էր այդ գաղափարին: Այնտեղ նախարար աշխատելը գայթակղիչ չէր, ինչը շրջանցում էր Տիգրան Սարգսյանը, անգամ լրագրողների հետ զրույցում ստիպված հայտարարել էր, թե Պողոսյանն այդ երազանքով է եկել Գյումրի և ողջ ճանապարհին իրենց համոզել է երազանքն իրականություն դարձնել:
Այս երազանքը Սարգսյանի հրաժարականից հետո սառեցվեց, և թեև վերջին շրջանում կրկին շոշափվում է մայրաքաղաքը բեռնաթափելու հարցը, բայց կարծես՝ ոչ նախարարությունների մակարդակով:
«Առաջին լրատվական»-ը Հասմիկ Պողոսյանից հետաքրքրվեց չիրականացած «երազանքի» ճակատագրով:
