Արագ արձագանքման միջարաբական ուժերի ստեղծման բոլոր նախապատրաստական ընթացակարգերն անհրաժեշտ է ավարտել հունիսի վերջին: Այս մասին Կահիրեում հայտարարել է Եգիպտոսի ԶՈՒ շտաբի պետ, գեներալ-լեյտենանտ Մահմուդ Հիգազին Արաբական պետությունների լիգայի (ԱՊԼ) անդամ երկրների զինված ուժերի հրամանատարների նիստի բացմանը։ Այս մասին հայտնում է TASS-ը:
Միացյալ արաբական զինված ուժերի ստեղծման մասին պայմանավորվածությունը ձեռք է բերվել մարտի վերջին՝ Լիգայի 26-րդ գագաթնաժողովին։ Այս կապակցությամբ առաջին հանդիպումը տեղի է ունեցել ապրիլի 22-ին՝ կազմակերպության 16 անդամ երկրների շտաբների պետերի մասնակցությամբ։
Երկրորդ նիստի բացման ժամանակ Հիգազին իր գործընկերներին կոչ է արել «ավարտել բոլոր ընթացակարգերը մինչև հունիսի 29-ը»:
«Միջարաբական գագաթնաժողովը սահմանել է ժամանակավոր շրջանակներ՝ միացյալ ուժերի ստեղծման նախապատրաստման համար: Շտաբի պետերին մինչև հունիսի 29-ը ժամանակ է տրվել՝ ավարտելու ընթացակարգերը։ Մենք պետք է այդ ժամկետում ավարտենք ընթացակարգը, որպեսզի արաբ առաջնորդները ևս մեկ ամիս ունենան մեր պայմանավորվածություններն ուսումնասիրելու համար»,- ասել է նա: