Guardian բրիտանական պարբերականը պնդում է, որ թերթի խմբագրատանը հայտնվել է նամակ Անգլիայի բանկի գաղտնի տեղեկատվությամբ, որում ասվում է, թե բանկը քննարկում է ֆինանսական ռիսկերը՝ կապված ԵՄ կազմից Մեծ Բրիտանիայի հնարավոր դուրս գալու հետ:
«Անգլիայի բանկի ներկայացուցիչները գաղտնի ուսումնասիրում են ֆինանսական ցնցումները, որոնք կարող են տեղի ունենալ Բրիտանիայում, եթե առաջիկա հանրաքվեի ժամանակ քվեարկեն ԵՄ-ից դուրս գալու օգտին»,- գրում է պարբերականը:
Հստակեցվում է, որ «բանկը նախագծի մանրամասներով էլեկտրոնային նամակ է հղել հենց Guardian-ին»: Նամակում ասվում է, որ «բոլոր ԶԼՄ-ները և Թրեդնիդլ փողոցի (որտեղ տեղակայված է Անգլիայի բանկը) անձնակազմի մեծամասնությունը պետք է անտեսանելի մնան անցկացվող աշխատանքից»:
Նամակում նաև նշված է եղել, որ «եթե որևէ մեկը հարցնի նախագծի մասին, աշխատանքային խումբը պետք է ասի, որ հետազոտությունը հանրաքվեի հետ ոչ մի ընդհանուր բան չունի»: