Իռլանդիայում միասեռական ամուսնություններին դեմ Դեյվիդ Քուինը, ով ղեկավարում է ավանդական արժեքների խթանման Այոնայի ինստիտուտը, հայտարարել է տեղի ունեցած հանրաքվեում իրենց պարտության մասին, ինչի վերջնական արդյունքները կհրապարակվեն այսօր երեկոյան, հայտնում է Ինտերֆաքսը հղում կատարելով RTE-ին:
Երկրի հիմնական կուսակցությունները կողմ են եղել միասեռ ամուսնություններին՝ պատճառաբանելով տարբեր սոցիալական խմբերի միջև հավասարության անհրաժեշտությունը: Դեմ են եղել միայն կրոնական կազմակերպությունների ակտիվիստները և որոշ պահպանողական քաղաքական գործիչներ: Փորձագետները նշում են, որ եթե դա տեղի ունենա, հանրապետության քաղաքացիները կզրկվեն Ռուսաստանից երեխա որդեգրելու իրավունքից, հայտնում է TASS-ը:
Իռլանդիան կարող է դառնալ առաջին երկիրը, որտեղ միասեռական ամուսնությունները կօրինականացվեն համընդհանուր քվեարկություններով:
