«Թալիբան» արմատական շարժման զինյալները սպառնում են ՆԱՏՕ-ի զորքերի հետ համագործակցած աֆղան թարգմանիչներին: Թալիբներն արդեն սպանել են տասնյակ թարգմանիչների, շատերը հարձակման հետևանքով ստացել են վնասվածքներ:
Նրանց համար միակ շանսը այլ երկրներում, օրինակ՝ Մեծ Բրիտանիայում քաղաքական ապաստան փնտրելն է: Սակայն նման դեպքերում Միացյալ Թագավորությունը հեշտորեն չի տրամադրում այցագրեր, հայտնում է RT-ն:
Ներկայում հարյուրավոր թարգմանիչներ այդ աշխատանքը համարում են անշնորհակալ գործ: Այդ պատճառով նրանցից ոմանք ցույցեր էին կազմակերպել Քաբուլում բրիտանական դեսպանատան մոտ:
Նրանցից շատերը հայտարարում են, որ իրենց կյանքը վտանգված է, քանի որ «Թալիբանը» իրենց համարում է դավաճաններ ու ընկել է իրենց հետևից: